پاکستان اورنیو زی لینڈ کے درمیان سیریزکا پانچواں اورآخری ون ڈے (آج) ویلنگٹن میں کھیلا جائےگا

ویلنگٹن(آئی این پی)پاکستان اورنیو زی لینڈ کے درمیان سیریزکا پانچواں اورآخری ون ڈے (آج) ویلنگٹن میں کھیلا جائےگا ،قومی ٹیم کو سیریز میں وائٹ واش سے بچنے کا چےلنج درپیش ہے،بیسن ریزرو میں قومی ٹیم نے بھرپور ٹریننگ سیشن میں حصہ لیا،شعیب ملک نے پریکٹس سیشن میں حصہ نہیں لیا۔پاکستان اورنیوزی لینڈ کے درمیان پانچواں ون ڈے ویلنگٹن میں پاکستانی وقت کے مطابق رات 3 بجے شروع ہوگا،ون ڈے سیریزکےآخری معرکے میں گرین شرٹس کو نیوزی لینڈ کیخلاف کلین سوئپ سے بچنے کا چیلنج درپیش ہے۔ پانچویں ون ڈے سے قبل بارش کے باعث پاکستانی کرکٹرز نے انڈورپریکٹس کی، ٹی 20اسکواڈ میں شامل پلیئرزاحمد شہزاد اورعمرامین نے بھی ٹریننگ میں حصہ لیا۔شعیب ملک ٹریننگ کیلئے گرانڈ میں نہیں آئے انہوں نے ہوٹل میں آرام کیا،شعیب ملک کی ٹی 20سیریزمیں شرکت کے حوالے سے فیصلہ آج ہوگا۔دوسری جانب قومی ٹیم کےاوپنرفخرزمان کہتے ہیں کہ بیٹسمین نئی گیند پربیٹنگ نہیں کرپارہے ہیں، جیت کیلئے تینوں شعبوں میں اچھی کارکردگی دکھانا ہوگی۔