کراچی (نوائے وقت رپورٹ) ڈچ ہاکی کے لیجنڈ کھلاڑی فلورس یوان بوویلنڈر نے کراچی میں نجی ٹی وی سے بات کرتے ہوئے کہا ہے کہ پاکستان آ کر بہت اچھا لگا۔ افسوس ہوتا ہے کہ پاکستان اس وقت ٹاپ ٹیم میں نہیں۔ پاکستان ہاکی میں دوبارہ نمبر ون بننے کی صلاحیت ہے۔ بھارت کو پہلے اندازہ ہو گیا اب وہ ہاکی ڈویلپمنٹ پر کام کر رہا ہے۔ ہاکی اب بہت مختلف ہو چکی ہے۔ پورے پاکستان میں اتنی ٹرف نہیں جتنی ہالینڈ کے ایک شہر میں ہے۔ صرف 20 کھلاڑیوں سے ہاکی نہیں چل سکتی۔ پاکستان اور بھارت نے جدید ہاکی کو اپنانے میں تاخیر کی۔