اسلام آباد ( سپورٹس رپورٹر) پاکستان سپورٹس کمپلیکس کے پی ایس بی بلیرڈز اینڈ سنوکر ہال میں دفاعی چیمپئن اور آئی بی ایس ورلڈ انڈر18-چیمپئن محمد نسیم اخترنے گذشتہ سال کے رنرز اپ حارث طاہر کو5-2سے اور پنجاب کے محمد شہباز نے پنجاب ہی کے عثمان احمد کو ایک دلچسپ مقابلے کے بعد 5-4سے سیمی فائنل میں ہرا کر جوبلی انشورنس قومی جونیئر انڈر21-سنوکر چیمپئن شپ کا فائنل کھیلنے کا اعزا ز حاصل کر لیا۔فائنل میچ آج جمعہ کو صبح دس بجے کھیلا جائے گا۔ وفاقی وزیر برائے بین الصوبائی رابطہ میاں ریاض حسین پیرزادہ مہمان خصوصی ہوں گے۔