کراچی( وقائع نگار) مئیر کراچی وسیم اختر مختصر نجی دورے پر امریکہ روانہ ہو گئے ہیں۔وہ آئندہ ہفتے واپس آئیں گے۔ بلدیہ عظمی کراچی کے ترجمان کے مطابق مئیر کراچی وسیم اختر ذاتی کام کے حوالے سے فیملی کے ہمراہ نجی دورے پر ہفتے کو امریکہ روانہ ہوئے جس کے لئے انہوں نے اجازت لی ہے، ترجمان کے مطابق مئیر کراچی کی غیر موجودگی میں ڈپٹی مئیر کراچی سید ارشد حسن قائم مقام مئیر کراچی کے فرائض انجام دیں گے۔