کر ائم اینڈ کورٹ رپورٹرز ایسوسی ایشن کے انتخابات، فائونڈر پینل کے تمام امیدوار بلامقابلہ منتخب

راولپنڈی(جنرل رپورٹر) کر ائم اینڈ کورٹ رپورٹرز ایسوسی ایشن راولپنڈی "کرار" کے سالانہ انتخابات میں فا ئونڈر پینل کے تمام امیدوار بلامقابلہ منتخب ہوگئے،چئیرمین الیکشن کمیٹی خالد چوہدری کی سربراہی میں قائم کمیٹی کے اراکین وسیم چوہدری، سلیم ممتاز چوہدری نے گذشتہ روز حتمی نتائج کا اعلان کر دیا۔الیکشن کمیٹی کے جاری کردہ نتائج کے مطابق مقررہ تاریخ اور وقت تک کسی بھی عہدے کیلئے کاغذات نامزدگی موصول نہیں ہوئے اور نہ ہی  کسی امیدوار کے خلاف اعتراض داخل کیا گیا جس پر الیکشن کمیٹی نے مقررہ شیڈول کے مطابق رزلٹ کا اعلان کردیا۔ نتائج کے مطابق یاسر حکیم مغل صدر ، نائب صدور طاہر نصیر، اویس یوسفزئی ، جنرل سیکرٹری عمران اصغر، جوائنٹ سیکرٹریز خادم بٹر، طاہر چوہدری ، فنانس سیکرٹری حفیظ خان ، سیکرٹری اطلاعات عمر بن آصف ،آفس سیکرٹری واصف چوہدری جبکہ گورننگ باڈی کی نشستوں کیلئے خرم ہاشمی، ظہیر شیخ، محمد اویس، مدثر نقوی اور یاسر عباسی بلامقابلہ کامیاب قرار پائے۔