کراچی (کلچرل رپورٹر  )معروف اداکارہ عتیقہ اوڈھو بھی کورونا وائرس کا شکار ہوگئیں۔ عتیقہ اوڈھو نے ویڈیو شیئرنگ ایپ انسٹاگرام پر اپنی ایک تصویر شیئر کی ہے۔اس تصویر میں وہ آئسولیشن میں بیٹھے اپنے کام میں مصروف دیکھائی دے رہی ہیں۔ انہوں نے اپنی یہ تصویر شیئر کرتے ہوئے لکھا کہ وہ کورونا کی وجہ سے قرنطینہ کے دوران   جیول آرٹ ڈیزائن پر کام کر رہی ہیں  البتہ انہوں نے اپنی اس پوسٹ میں یہ نہیں بتایا کہ ان کا کورونا وائرس کا ٹیسٹ کب مثبت آیا۔ عتیقہ اوڈھو کی اس پوسٹ پر ان کے مداحوں اور انڈسٹری سے تعلق رکھنے والے لوگ ان کی جلد صحت یابی کے لیے دعا کررہے ہیں۔