گوجرانوالہ (نمائندہ خصوصی)گوجرانوالہ چیمبر آف کامرس اینڈ انڈسٹری کے صدر محمد شعیب بٹ اور سابق صدر گوجرانوالہ چیمبر عمر اشرف مغل نے چند روز قبل کمشنر سوشل سکیورٹی بلال حیدرسے لاہور میں خصوصی ملاقات کی۔ ملاقات میںسوشل سکیورٹی ہسپتال میں نفرالوجسٹ کی فوری تعیناتی اور لیبر کو دی جانیوالی طبی سہولیات پر تفصیلی گفتگوہوئی۔دوران گفتگو انہوں نے بتایا کہ سوشل سکیورٹی میںگردے کے امراض اور ڈائیلائیسز کیلئے نفرالوجسٹ نہ ہونے کے باعث بہت سارے مریضوںکوسول ہسپتال یا دوسرے ہسپتالوں میں ریفر کیا جا رہا ہے جس مریضوں کو بہت دشواری کا سامنا ہے لہٰذافوری طور پر سوشل سکیورٹی میں نفرالوسٹ کی تعیناتی کو ممکن بنایاجائے ۔کمشنر سوشل سکیورٹی بلال حیدرنے صدر گوجرانوالہ چیمبر محمد شعیب بٹ اور سابق صدر عمر اشرف مغل کی نشاندہی پر فوری طور پر سوشل سکیورٹی ہسپتال میں ڈاکٹر مدثر احمدبطور نفرالوجسٹ کی تعیناتی کے احکامات جاری کردیئے۔