گوادر ‘ معروف عرائض نویس عبدالغنی بلوچ انتقال کر گئے

گوادر(بیورو رپورٹ)گوادر کے معروف عرائض نویس عبدالغنی بلوچ انتقال کر گئے۔ تدفین مقامی قبرستان میں کی گئی جنازے میں زندگی کے مختلف شعبہ زندگی سے تعلق رکھنے والے افراد نے شرکت کی۔تفصیلات کے متعلق گوادر کے معروف عرائض نویس عبدالغنی بلوچ گزشتہ روز بقضائے الٰہی انتقال کر گئے۔ان کی تدفین گوادر کے مقامی قبرستان میں کی گئی۔جبکہ مرحوم کی نماز جنازہ میں زندگی کے مختلف شعبوں سے تعلق رکھنے والے افراد نے شرکت کی۔ دریں اثناء بلوچستان جوڈیشل ایمپلائز ایسوسی ایشن گوادر، گوادر بار ایسوسی ایشن،گوادر پریس کلب، اور مختلف سیاسی و سماجی جماعتوں کے نمائندوں نے معروف عرائض نویس عبدالغنی بلوچ کی وفات پر پسماندگان سے دلی تعزیت کرتے ہوئے مرحوم کی مغفرت اور لواحقین کے لیے صبر جمیل کی دعا کی ہے۔