ہاشم آملہ نے تمام طرزِ کرکٹ  سے ریٹائرمنٹ کا اعلان کر دیا

لاہور(سپورٹس ڈیسک )جنوبی افریقہ کے کرکٹر ہاشم آملہ نے تمام طرز کی کرکٹ سے ریٹائرمنٹ کا اعلان کر دیا۔ ہاشم آملہ نے 2019 میں انٹرنیشنل کرکٹ سے ریٹائرمنٹ کا اعلان کیا تھا جس کے بعد وہ انگلش کاؤنٹی میں کھیلتے نظر آتے تھے، تاہم اب انہوں نے پروفیشنل کرکٹ سے ریٹائرمنٹ کا اعلان کردیا ہے۔39 سالہ ہاشم آملہ نے 124 ٹیسٹ میچز میں جنوبی افریقہ کی نمائندگی کہ جس میں اْنہوں نے 46.64 کی اوسط سے 9ہزار 282 رنز بنائے، جس میں 28 سنچریاں بھی شامل تھی۔ہاشم آملہ کا ٹیسٹ کرکٹ میں سب سے بڑا سکور 311رنز ناٹ آؤٹ ہے جو اْنہوں نے2012 میں انگلینڈ کیخلاف اوول میں بنایا تھا،وہ ٹرپل سنچری سکور کرنے والے جنوبی افریقہ کے پہلے بیٹر بھی ہیں۔