کراچی(اسٹاف رپورٹر) کراچی پریس کلب  میں ممتاز صحافی  مدثر مرزا مرحوم کی یاد میں تعزیتی اجلاس منعقد کیا گیاجس میں سینئر صحافیوں محمود شام، ہمایوں عزیز، نصیر ہاشمی، احمد حسن، مظہر عباس مقصود یوسفی، کراچی پریس کلب کے صدر سعید سربازی، سیکرٹری پریس کلب شعیب احمد، اصفر عمران، مرحوم کے صاحبزادے ایڈوکیٹ واثق اور صحافیوں کی بڑی تعداد نے شرکت کی، اس موقع پر مقررین نے مرحوم مدثر مرزا کو ان کی صحافی خدمات زبردست خراج تحسین پیش کیا اور ان کی رحلت کو صحافت سمیت بڑا نقصان قرار دیا۔ آخر میں مرحوم کے ایصال ثواب کے لئے دعا بھی کی گئی۔