وفاقی حکومت پر الزام تراشی کرنیوالے اپنے گریبانوں میں جھانکیں: عارف سندھیلہ

شیخوپورہ(نمائندہ نوائے وقت)مسلم لیگ (ن) کے ضلعی صدر و سابق رکن صوبائی اسمبلی عارف خان سندھیلہ نے کہا ہے کہ وفاقی حکومت پر الزام تراشی کرنے والے اپنے گریبانوں میں جھانکیں انکے چار سالہ دور اقتدار میں ملک بحرانوں کا شکار ہوا میاں شہباز شریف کی انتھک جدوجہد کا ثمر ہے کہ چند ماہ میں ملکی معیشت کو بحال کرنے سمیت درپیش ملکی مسائل کا خاتمہ ہورہا ہے، انہوں نے کہا کہ سیاسی مقاصد کے حصول کی خاطر ملکی امن کو داؤ پر لگانے والے ملک و قوم کے خیر خواہ نہیں اقتدار حاصل کرنے کا لالچ ان کی عقل پر پردہ ڈالے ہوئے ہے انہیں قومی مفادات دکھائی نہیں دے رہے، وفاقی حکومت کی جدوجہد کے باعث ملک ترقی و عوامی خوشحالی سے ہمکنار ہورہا ہے۔