کراچی والوں نے جماعت اسلامی کوجعلی ووٹ نہیں ڈالے، نجمی عالم

کراچی( اسٹاف رپورٹر)پاکستان پیپلز پارٹی کے رہنما سید نجمی عالم نے کہا ہے کہ جماعت اسلامی کے مینڈیٹ کا احترام ہے لیکن کراچی والوں نے جماعت اسلامی کوجعلی ووٹ نہیں ڈالے، وزیراعلی سندھ نے کہا کوئی بھی میئر آئے ہم اس سے تعاون کریں گے۔خصوصی گفتگو کرتے ہوئے انہوں نے کہاکہ میں بھی2018 میں الیکشن ہارا تھا لیکن میں نے لوگوں سے رابطہ نہیں چھوڑا تھا۔خرم شیر زمان اس لئے ہارے کہ انہوں نے ایک کام نہیں کیا۔یاد رہے کہ پی ٹی آئی کی جانب سے کراچی کے میئر کیلئے فیورٹ امیدوار خرم شیرزمان کو پاکستان پیپلزپارٹی کے نجمی عالم سے شکست کاسامنا کرنا پڑا ہے۔انہوں نے کہا کہ جہاں کوئی اچھی بات آئی ہم نے بڑھ کر سپورٹ کی، ہمارے بہت سے اعتراض قبول ہوئے اور بہت سے مسترد ہوئے، وزیراعلی سندھ مراد علی شاہ نے کہا کوئی بھی میئر آئے ہم اس سے تعاون کریں گے۔نجمی عالم  نے کہاکہ ہمیں شہر کی بہتری دیکھنی ہے اور کراچی پاکستان کیلئے اہم شہر ہے۔