نواز شریف کاحافظ آباد جلسہ مایوس کن تھا:رانا فاروق سعید

لاہور( نامہ نگار)قائم مقام صدر پی پی وسطی پنجاب رانا فاروق سعید نے کہا ہے کہ حافظ آباد جلسہ اتنا مایوس کن تھا کہ نواز شریف نے پوری تقریر کرنا بھی مناسب نہیں سمجھا،پروٹوکول کی عادی جماعت اور اسکی قیادت کو عوام کی نبض کا بخوبی اندازہ ہو رہا ہے۔حافظ آباد میں ن لیگ کے قائد نواز شریف کے جلسے پر ردعمل ظاہر کرتے ہوئے  رانا فاروق سعید نے کہا کہ"ساڈی گل ہو گئی اے" کہنے والوں کو اب عوام سے بات کرنیکی ہمت نہیں ہو رہی۔شیر کا حافظہ نکالے جانے کے خوف سے ابھی تک باہر نہیں نکل سکا۔رانا فاروق سعید نے مذید کہا کہ معاشی  مسائل کا حل صرف پیپلز پارٹی اور چیئرمین بلاول بھٹو کے پاس ہے،پیپلز پارٹی کے منشور میں ہی 25کروڑ عوام کے مسائل کا حل ہے۔