لاہور(نامہ نگار)اینٹی نارکوٹکس فورس نے 11 مختلف کارروائیوں میں389 کلو سے زائد منشیات برآمد کرکے 10 ملزمان گرفتار کرلئے ہیں۔ترجمان اے این ایف کے مطابق یہ کارروائیاں پشاور، ملتان، کراچی، لاہور،اورکزئی، حب،کوٹ عبدالمالک اورٹوبہ ٹیک سنگھ میں کی گئیں۔332 کلو چرس، 14کلو افیون،18 کلو 210گرام آئس اور 88گرام ہیروئن،354650 نشہ آور گولیاں،5 چرس بھرے کیپسولزبرآمدکر کے گرفتار 10 ملزمان کیخلاف انسدادِ منشیات ایکٹ کے تحت مقدمات درج کرلیے گئے۔