لاہور(سپورٹس رپورٹر)انٹرنیشنل کرکٹ کونسل نے تصدیق کی ہے کہ نیویارک کا آئزن ہاور پارک ٹی20ورلڈکپ سے قبل کسی بین الاقوامی میچ کی میزبانی نہیں کریگا۔ نیویارک میں آئزن ہاور پارک جون میں ہونے والے ٹی20ورلڈکپ سے پہلے کسی بھی بین الاقوامی میچ کی میزبانی نہیں کریگا جبکہ گرائونڈ مئی کے آخر تک تیار ہوجائیگا۔ پاکستان اور بھارت کی ٹیمیں بھی اسی میدان پر مدمقابل آئیں گی،آئی سی سی عہدیداروں نے آگاہ کیا کہ ٹی20ورلڈکپ ٹکٹس کے حوالے سے اہم اعلان بھی اگلے 15روز میں کردیا جائیگا،نیویارک کے آئزن ہاور پارک گرائونڈ میں پاکستان بھارت مقابلے سمیت 16میچوں کی میزبانی کریگا جبکہ پہلا میچ جنوبی افریقہ اور سری لنکا کے درمیان 3 جون کو شیڈول ہے،ممکنہ طور پر پہلی بار ہوگا کہ آئی سی سی کا کوئی بڑا ایونٹ کسی ایسے مقام پر کھیلا جائیگا جہاں اس سے پہلے کوئی بین الاقوامی میچ منعقد نہیں ہوا ہو۔