لاہور(سپورٹس رپورٹر)انڈر19 کرکٹ ورلڈ کپ کا 15واں ایڈیشن آج سے جنوبی افریقہ کے 5 مختلف وینیوز پر شروع ہورہا ہے، پاکستانی ٹیم ایونٹ میں اپنا پہلا میچ کل 20 جنوری کو افغانستان کیخلاف کھیلے گی۔ہر دو برس بعد ہونے والے اس یوتھ ٹورنامنٹ کے پہلے روز دو میچز کھیلے جائیں گے جس میں میزبان جنوبی افریقہ کا مقابلہ ویسٹ انڈیز سے پوشفسٹروم میں ہوگا۔ایک اور میچ میں آئرلینڈ اور امریکہ کی ٹیمیں بلوم فائونٹین میں مدمقابل ہوں گی۔پاکستانی ٹیم اپنی مہم کا آغاز 20 جنوری کو ایسٹ لندن میں افغانستان کیخلاف میچ سے کریگی۔اس ورلڈ کپ میں بھارت کی ٹیم اعزاز کا دفاع کررہی ہے جو اب تک سب سے زیادہ یعنی 5 مرتبہ اس ایونٹ کو جیتنے کا اعزاز رکھتی ہے۔