لاہور(سپورٹس رپورٹر)پاکستان اولمپک کوالیفائر کے سیمی فائنل میں پہنچ گیا۔پاکستان کو سیمی فائنل تک رسائی بہتر پوائنٹس کی بنیاد پر ملی۔عمان میں جاری ایونٹ کے پول میچ میں ملائشیا ، پاکستان میچ ایک سخت مقابلہ کے بعد 3-3گول سے ڈرا ہو گیا ۔ پاکستان کی جانب سے سفیان ‘ عماد بٹ اور رانا وحید نے گول کئے۔ملائشیا کی جانب سے صاری فطری،ابوکمال اور فرحان اشعری نے گول کئے۔پاکستان کے گول کیپر عبداللہ اشتیاق نے بہترین کھیل پیش کیا۔سیمی فائنل میں پاکستان جرمنی کے مدمقابل کھیلے گا۔عماد شکیل بٹ کپتان پاکستان ہاکی ٹیم مین آف دی میچ قرار پائے۔