کئی گھروں میں ڈاکے‘ چوریاں‘ متعدد راہگیر بھی لٹ گئے

لاہور (نامہ نگار) ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ تفصیلات کے مطابق ڈاکوؤں نے باغبانپورہ کے علاقے میں جلیل کے گھر میں اہلخانہ کو  یرغمال بنا کر 5 لاکھ 67 ہزار روپے مالیت کی نقدی، طلائی زیورات، موبائل فون اور دیگر سامان، سبزہ زار کے علاقے میں ماجد اور اس کی فیملی کو گن پوائنٹ پر یرغمال بنا کر ساڑھے3 لاکھ روپے مالیت کی نقدی، طلائی زیورات اور موبائل فون، مانگا منڈی کے علاقے میں اکمل سے ایک لاکھ 85 ہزار روپے نقدی اور موبائل فون، ہربنس پورہ کے علاقے میں بلال سے 78 ہزار روپے نقدی اور موبائل فون، گلشن راوی کے علاقے میں عثمان سے 40 ہزار روپے نقدی اور موبائل فون، ساندہ کے علاقے میں نور سے 12ہزار روپے نقدی اور موبائل فون، شفیق آباد  کے علاقے میں رضوان سے9 ہزار روپے نقدی اور موبائل فون، یکی گیٹ کے علاقے فرخ سے5 ہزار روپے اور موبائل فون لوٹ لیا۔ چوروں نے گرین ٹاؤن، قائداعظم انڈسٹریل اسٹیٹ اور مانگا منڈی کے علاقوں میں سے 3 گاڑیاں، لٹن روڈ کے علاقے میں سے رکشہ جبکہ راوی روڈ، کاہنہ، مصطفی آباد، غالب مارکیٹ، غازی آباد، نصیر آباد، سندر، شالیمار اور چوہنگ  کے علاقوں میں سے 9 موٹر سائیکلیں چوری کر لی گئیں۔جوہر ٹاؤن میں ڈاکوؤں نے سابق ٹیسٹ کرکٹر عبد الرحمٰن اور ان کے اہلخانہ کو گھر کی دہلیز پر گن پوائنٹ پر یرغمال بنا کرلوٹ لیا۔سابق ٹیسٹ کرکٹر عبدالرحمن نے بتایا ڈاکوؤں نے گن میری 8 ماں کی  بیٹی پر تان لی تھی۔