فیصل آباد (نوائے وقت رپورٹ) رانا ثناء اللہ نے کہا ہے کہ مسلم لیگ ن کے منشور پر کام مکمل ہو چکا۔ ایک دو روز میں اعلان کیا جائے گا۔ صرف شور شرابے اور دوسروں کے خلاف تقریریں کرنے سے الیکشن نہیں جیتے جاتے۔ الیکشن جیتنے سے ضروری چیز امیدواروں کا چناؤ ہوتا ہے۔ نوازشریف جب سے واپس آئے ہیں ایک دن بھی ایسا نہیں کہ الیکشن میں کامیابی سے متعلق کام نہ کیا ہو۔ پارٹی منشور میں ملک کے معاشی بحران کے حل سے متعلق لائحہ عمل ہوگا۔ شیر کے نشان کے ساتھ ہم 100 سے زیادہ نشستیں پنجاب سے لیں گے۔ ہم نے بڑی عرق ریزی سے ایک ایک ضلع کو فوکس کیا ہے۔ خیبر پی کے، سندھ سے سیٹیں حاصل کریں گے۔ بلوچستان سے آٹھ دس سیٹیں حاصل کریں گے۔