اقوام متحدہ نے پاکستان اور ایران کے درمیان کشیدگی ختم کرنے کے لیے خدمات پیش کی ہیں۔
Secretary-General @antonioguterres is deeply concerned about the recent exchange of military strikes between Iran and Pakistan, which have reportedly caused casualties on both sides: https://t.co/ZSfpAXfFxd
— UN Spokesperson (@UN_Spokesperson) January 18, 2024
اقوام متحدہ کے سیکریٹری جنرل انتونیو گوئتریس نے پاکستان اور ایران کے درمیان کشیدگی پر شدید تشویش کا اظہار کرتے ہوئے کہا ہے کہ علاقائی اور عالمی حالات ایسے مناقشوں کے متحمل نہیں ہوسکتے۔ فریقین کو معاملات بات چیت کے ذریعے درست کرنے چاہئیں۔دونوں ممالک سے ضبط و تحمل سے کام لینے کی استدعا کرتے ہوئے انتونیو گوئتریس نے کہا کہ معاملات کو پرامن رہتے ہوئے درست کرنے کے حوالے سے اقوام متحدہ اپنی خدمت پیش کرنے کو تیار ہے۔سوشل میڈیا پورٹل x پر جاری کیے جانے والے ایک بیان میں اقوام متحدہ کے سربراہ نے کہا کہ پاکستان اور ایران کے درمیان کشیدگی، راکٹ فائر کیے جانے اور فائرنگ کے تبادلے پر انہیں بے حد تشویش ہے۔اقوام متحدہ کے سیکریٹری جنرل کی ترجمان اسٹیفین ڈجارک نے کہا کہ ہمیں فریقین کے جانی نقصان کی اطلاعات ملی ہیں۔ یہ سب کچھ تشویش ناک ہے۔ فریقین کو اپنے تمام اختلافات بات چیت کے ذریعے دور کرنے چاہئیں۔
