کرپشن کیخلاف جہاد نے مسلم لیگ (ن) کا مورال بلند کر دیا: محمد حسین گجر

رائے ونڈ (نامہ نگار) مسلم لیگی رہنما ءسابق جنرل سیکرٹری مسلم لیگ(ن) ضلع لاہور /امیدوار ضمنی الیکشن پی پی 161چودھری محمد حسین گجر نے کہا کہ کرپشن کے خلاف جہاد نے مسلم لیگ(ن) کا مورال پہلے سے بلند کردیا ہے۔ مسلم لیگ (ن) عوامی فلاح و بہبود کے منصوبوں پرعمل پیرا ہے، بجلی اور گیس چوروں کے خلاف آپریشن لوڈ شیڈنگ کے خاتمہ کا باعث ثابت ہوگا، رمضان بازاروں میں غریبوں کو مفت راشن دیا جارہا ہے، سابقہ دور کا منصوبہ میٹروبس اس وقت سب سے کامیاب اور سستی سواری کا درجہ حاصل کرچکا ہے، خادم پنجاب میاں شہباز شریف کی سوچ کو سلام کہ انہوں نے تجاوزات اور فٹ پاتھوں کی جگہ کو قیمتی بنا ڈالا۔