لاہور (سپورٹس رپورٹر) قومی انڈر 19 ٹیم کے کوچ اعظم خان نے کہا ہے کہ پاکستان ٹیم انگلینڈ میں منعقد تین ملکی سیریز میں اچھی کارکردگی دکھانے کی صلاحیت رکھتی ہے۔ نیشنل کرکٹ اکیڈمی میں جاری تربیتی کیمپ میں کھلاڑیوں کو جسمانی فٹنس کی مشقیں کرائی گئیں جبکہ اس کے علاوہ نیشنل کرکٹ اکیڈمی میں بنائی گئی خصوصی پچز پر پریکٹس کرائی گئی۔ اس تین ملکی سیریز میں پاکستان، میزبان انگلینڈ اور بنگلہ دیش کی انڈر19 کی ٹیمیں حصہ لے رہی ہیں۔ ٹیم کے کوچ اعظم خان نے میڈیا سے گفتگو میں بتایا کہ سیریز میں اصل امتحان بلے بازوں کا ہوگا اس لئے بیٹنگ لائن اپ کو ٹرننگ پچز پر تیاری کرائی جا رہی ہے۔ ہماری تیاری بھرپور ہے اور ہمیں پوری امید ہے کہ ہم اس سیریز مین اچھی کارکردگی کا مظاہرہ کریں گے اور اسے جیتنے کی کوشش کریں گے ہمارے کھلاڑیوں نے بھرپور محنت کی ہے بیٹنگ اور با¶لنگ کا اچھا کمبی نیشن لیکر جا رہے ہیں ہمارے کھلاڑیوں میں اتنی اہلیت ہے کہ انگلینڈ کو انگلینڈ مین شکست دے سکیں۔