لاہور(کلچرل رپورٹر ) شہنشاہ غزل مہدی حسن کا89 واںیوم پیدائش گزشتہ روز منایاگیا ۔ مہدی حسن 18جولائی 1927کو بھارت میں پیدا ہوئے تاہم ان کا خاندان پاکستان میں آکر مقیم ہو گیا تھا۔ حکومت کی طرف سے مہندی حسن کی خدمات کے اعتراف میں انہیں تمغہ امتیاز اور تمغہ حسن کارکردگی سے نوازا گیا۔ 1979ء میں مہدی حسن کو بھارتی حکومت نے ’’کے ایل سہگل‘‘ ایوارڈ دیا۔ شہنشاہ غزل مہدی حسن طویل علالت کے بعد 13 جون 2012 ء کو جہان فانی سے کوچ کر گئے تھے۔