لاہور(نمائندہ سپورٹس+سپورٹس رپورٹر)پاکستان جونیئر ہاکی ٹیم ورلڈ کپ کی تیاریوں کے سلسلہ میں چار ملکی ٹورنامنٹ کھیلنے آج جرمنی روانہ ہو گی ۔دورے میں ٹیم کی قیادت دلبرحسین جبکہ اظفر یعقوب نائب ہوں گے ۔دیگر کھلاڑیوں میں عثمان غنی، عاطف مشتاق، مبشرعلی، ابوبکر، محمد قاسم، جنید کمال، شان ارشاد، عتیق ارشد بلال قادر، راناسہیل، سمیع اللہ، محمد رضوان، حسن انور اور فیضان شامل ہیں جبکہ ٹیم کے مینیجر طاہرزمان اورکوچ ذیشان اشرف ہوں گے۔چار ملکی ٹورنامنٹ 21 سے 24 جولائی تک جرمنی میں ہو گا جس میں پاکستان، ہالینڈ، جرمنی اور بلجیم کی ٹیمیں شرکت کریں گی۔