جامعہ سراجیہ نعیمیہ میں خواتین حج تربیتی پروگرام 23 جولائی کو ہوگا

لاہور( خصوصی نامہ نگار) جامعہ سراجیہ نعیمیہ مغلپورہ میں حج تربیتی پروگرام برائے خواتین23جولائی کو ہوگا جس میں رکن صوبائی اسمبلی نبیر ہ عندلیب نعیمی مناسک حج پر خصوصی لیکچردیں گی۔ تربیتی پروگرام میں خواتین حجاج کو احرام باندھنے ، وقوف منی ومزدلفہ، سعی صفا ومروہ، بوسہ حجراسود، طواف کعبہ،رمی جمرات، زیارات مقامات مقدسہ سمیت دیگر مناسک حج اورروضہ رسول پر حاضری کے آ داب سکھائے جائیں گے۔