پنڈی بھٹیاں، کامونکے: ٹریفک حادثات میں باپ بیٹی ، دادی پوتا جاں بحق

پنڈی بھٹیاں ، کامونکے ( نامہ نگاران)ٹریفک حادثات میں باپ بیٹی اور دادی پوتا جاں بحق ہوگئے۔ پنڈی بھٹیاں کا مشتاق پہلوان اپنی بیٹی کنزہ کو حافظ آباد سے پیپر حل کر واکر واپس موٹرسائیکل پر آرہے تھے کہ جب وہ رسول پور تارڑ کے قریب پہنچے تو مخالف سمت سے آنے والی تیز رفتار ویگن نے ٹکر ماری جس کے نتیجہ میں باپ بیٹی دونوں موقع پر جاں بحق ہو گئے ڈرائیور موقع سے فرار ہو گیا۔ کامونکے میں گذشتہ اعلیٰ الصبح لاہور کی کار سوار فیملی گوجرانوالہ میں پیر سے دم کروانے جارہے تھے کہ تھانہ صدر کے نزدیک رفع حاجت کیلئے کار میں سوار 80 سالہ حاجرہ بی بی اپنے 20 سالہ پوتے عمر کے ہمراہ اُتری تو عقب سے آنے والے تیز رفتار ٹرک نے اُنہیں بری طرح کچل ڈالا، حادثہ کے نتیجہ میں شدیدزخموں کی تاب نہ لاتے ہوئے بیس سالہ عمر موقع پر ہی دم توڑ گیا جبکہ 80سالہ حاجرہ بی بی کو تشویشناک حالت کے پیش نظر ہسپتال لیجایا جارہا تھاکہ وہ بھی راستہ میں ہی دم توڑ گئی۔