مسلم لیگ ن کی ہزاروں میگاواٹ بجلی صرف اشتہارات میں نظر آئیگی: طارق سعادت

لاہور (خصوصی نامہ نگار) تحریک انصاف کے پی پی 147 سے امیدوارمحمد طارق سعادت کی نیوشاد باغ میں ڈور ٹو ڈور انتخابی مہم، یوسی 28 اور یوسی47میںکارنر میٹنگ، اہل علاقہ اور پی ٹی آئی کے کارکنان نے جہانگیر پارک آمد پرطارق سعادت کا شانداراستقبال کیا۔ خطاب کرتے ہوئے محمد طارق سعادت نے کہا کہ مسلم لیگ(ن) نے دس سال اقتدارانجوائے کیا اوروزارتوں کے مزے لوٹے اورایک ٹکے کا کام نہیں کیا ان کی ساری ترقی اورہزاروں میگاواٹ صرف اخبارات کے اشتہاروں میں نظرآئے اورحلقے کی پسماندگی جوں کی توں برقرارہے اورلاہورکے شہری اکیسویں صدی میں بھی صاف پانی، بجلی، روزگار کوترس رہے ہیں۔