رائیونڈ، ننکانہ صاحب‘ تاندلیانوالہ (نامہ نگاران+ نمائندہ نوائے وقت) مختلف واقعات میں 6 سالہ بچی اور دو لڑکوں کو زیادتی کا نشانہ بنا دیا گیا۔ رائیونڈ میں محلہ بستی امین پورہ میں 6 سالہ مسکان گھر سے سودا سلف لینے نیامت کی دکان پر گئی جہاں ملزم نیامت اسے بہلا پھسلا کر اپنے گھر لے گیا اور زیادتی کا نشانہ بنا دیا۔ پولیس نے ملزم کو گرفتار کرلیا۔ لواحقین نے فلائی اوور چوک میں ٹائر جلا کر سڑک بند کردی اور احتجاج کیا۔ دریں اثنا ننکانہ میں ملزم مبشر عرف پپو نے تھانہ بڑا گھر کے ریاست علی کے8سالہ بیٹے (ص) کو ہوس کا نشانہ بنایا تھا۔ پولیس نے کو گرفتار کرلیا جبکہ تاندلیانوالہ میں تھانہ سٹی کے علاقہ 423گ ب میں 30سالہ اوباش عمران نے اپنے ہمسائے 10سالہ ارسلان کو ورغلا کر کھیتوں میں لے جاکر زیادتی کا نشانہ بنا ڈالا اور فرار ہو گیا۔