قومی احتساب بیورو نے سابق صدر آصف علی زرداری سمیت دیگر 17ملزمان کے خلاف پارک لین  ریفرنس دائر کردیا۔نیب کی جانب سے پیپلزپارٹی کے شریک چیئرمین آصف زرداری کے خلاف احتساب عدالت میں ریفرنس دائر کردیا گیا ہے، احتساب عدالت میں دائر ریفرنس میں 17دیگر ملزمان کو بھی نامزد کیا گیا  جن میں اقبال میمن، یونس قدوائی، حسین لوائی، عبدالغنی مجید سمیت دیگر ملزمان شامل ہیں۔نیب نے ریفرنس میں پارک لین اسٹیٹ، پیراتھینون اورمیسرا تریکام لمیٹڈ کے سی ای اوز کو بھی نامزد کیا ہے۔