سکھر(بیورو رپورٹ)24گھنٹے بعد کیر تھر کینال سے نوجوان کی نعش برآمد ، گھر میں کہرام۔ تفصیلات کے مطابق گزشتہ روز والد سے ناراض ہو کر کیر تھر کینا ل میں چھلانگ لگا کر خود کشی کرنے والے نوجوان کی نعش برآمد کرلی گئی۔ ایدھی کے مطابق گذشتہ روز سکھر کے علاقے بہار کالونی کے رہائشی شیر محمد شیخ کے نوجوان شادی شدہ بیٹے صابر شیخ نے بے روزگاری سے تنگ آکر اپنے والد کو رکشہ لیکر دینے کو کہا والد کے انکار پر نوجوان صابر شیخ نے مایوس ہو کر بہار کالونی کے قریب سے بہنے والی کیر تھر کینال میں چھلانگ لگا کر خودکشی کر لی تھی 24گھنٹوں تلاش کے بعد نوجوان کی نعش برآمد ہوئی ہے جسے ایدھی ایمبولنس کے ذریعے گھر پہنچائی گئی نعش گھر پہنچے پر کہرام مچ گیا ۔