ملک کے مختلف علاقوں میں آج تیز ہواؤں اورگرج چمک کیساتھ بارش کا امکان

اسلام آباد (نوائے وقت نیوز) ملک کے مختلف علاقوں میں تیز ہواؤں اورگرج چمک کے ساتھ بارش کا امکان ہے۔ محکمہ موسمیات کے مطابق آج اتوار کے روز ملک کے بیشتر علاقوں میں موسم گرم اور مرطوب رہیگا ۔ تاہم بالائی خیبرپختونخوا، بالائی پنجاب، مشرقی بلوچستان ،کشمیراورگلگت بلتستان میں تیز ہواؤں اورگرج چمک کے ساتھ بارش کا امکان ہے۔ گذشتہ 24 گھنٹے کے دوران سندھ ، بالائی خیبر پختونخوا اور گلگت بلتستان میں آندھی اورگرج چمک کے ساتھ بارش ہوئی۔ ملک کے دیگر علاقوں میں موسم گرم اور مرطوب رہا۔سب سے زیادہ بارش سندھ میں کراچی ( فیصل بیس 64، صدر52،گلشن حدید 44، لانڈھی 40، کیماڑی 38، ایم ۔او۔ایس 28، میٹ آبزرویٹری 24، یونیورسٹی روڈ 16، جناح ٹرمینل 15،ناظم آباد09،مسرور06، نارتھ کراچی ٹریس)، ٹھٹھہ 34 ، دادو 20، سکرنڈ 10، حیدرآباد 06، خیبرپختونخوا میں پٹن 09،کالام 04، میر کھنی 03 اور دروش کے مقام پر ایک ملی میٹر ریکارڈکی گئی۔ ہفتہ کو ملک میں زیادہ سے زیادہ درجہ حرارت نوکنڈی،دالبندین ، دادو44 ، جیکب آباداورموہنجوداڑو میں 43 ڈگری سینٹی گریڈ ریکارڈ کیا گیا۔