اداکار یاسر حسین کی قومی کرکٹر شعیب ملک  کیساتھ تصویر وائرل

کراچی(اسپورٹس رپورٹر)پاکستان فلم و ٹی وی انڈسٹری کے معروف اداکار یاسر حسین کی قومی کرکٹر شعیب ملک کے ساتھ تصویر سوشل میڈیا پر وائرل ہوگئی۔سوشل میڈیا پر زیادہ متحرک رہنے والے اداکار یاسر حسین نے اس بار اپنے تصدیق شدہ انسٹاگرام اکاؤنٹ کا رُخ کرتے ہوئے قومی کرکٹر شعیب ملک کے ہمراہ اپنی نئی تصویر شیئر کی ہے۔یاسر حسین اور شعیب ملک کی یہ تصویر کسی تقریب کی لگ رہی ہے جس میں پیچھے دیگر شوبز ستاروں کو بھی دیکھا جاسکتا ہے۔اداکار نے تصویر کے کیپشن میں شعیب ملک سے مخاطب ہوتے ہوئے لکھا کہ ’مداح کی محبت کا لمحہ۔‘اُنہوں نے مزید لکھا کہ ’شعیب ملک انتہائی نرم مزاج شخصیت کے مالک ہیں۔‘یاسر حسین نے اپنی پوسٹ میں یہ واضح نہیں کیا کہ اُنہوں نے شعیب ملک کے ساتھ یہ تصویر کب اور کہاں لی۔