ساہیوال میں پولیس کا چھاپہ، 9من سے زائد چرس، افیون برآمد، ملزم گرفتار

ساہیوال( نمائندہ نوائے وقت+ نامہ نگار )حساس ادارے کی اطلاع پر پولیس کا چھاپہ ،ساڑھے 9من سے زائد چرس اور افیون برآمد ، ایک ملزم کو گرفتار کر لیا گیا۔انٹیلی جنس حساس ادارے کی اطلاع پر تھانہ فتح شیر کا تھانہ فرید ٹائون کی حدود میں مڈھالی روڈ پر ایک نجی ہائوسنگ سکیم میں ایک گھر پر چھاپہ مار کر ساڑھے چھ من سے زائد چرس، 3من افیون برآمد جبکہ ملزم جمیل کو گرفتار کر لیا۔ دریں اثناء اے ایس پی سٹی سلیمان ظفر نے تھانہ فتح شیر میںچھاپے کی تصدیق کرتے ہوئے صحافیوں کو بتایا ہے کہ پولیس تھانہ فتح شیر نے ساڑھے 9من سے زائد چرس اور افیون برآمد کرکے ایک ملزم کو گرفتارکیاہے جس سے مزید تفتیش جاری ہے ۔انہوںنے بتایا کہ برآمد ہونے والی منشیات کی مالیت کروڑوں میں ہے ۔پولیس نے ملزم کے خلاف مقدمہ درج کرلیاہے۔