ملتان روڈ، کینال روڈ پرجانوروں کے33غیر قانونی سیل پوائنٹ بند

لاہور (سٹی رپورٹر) کمشنر لاہور کیپٹن (ر) محمد عثمان کی ہدایت پر جانورں کے غیرقانونی سیل پوائنٹس کے خلاف کاروائیاں جاری ہیں۔ نازٹاون میں قائم جانوروں کا غیرقانونی سیل پوائنٹ بند کرکے سامان بحق سرکار ضبط کر لیا گیاہے۔ ملتان روڈ، کینال روڈ پر قائم جانوروں کے سیل پوائنٹ بند کروا کر 33 جانور اور سامان ضبط کر لیا گیا۔ پائن ایونیو کی منڈی کے قریب غیرقانونی سیل پوائنٹ بند کروا کے 21 جانور وں کو ضبط کر لیا گیا۔ مجموی طور پر 8 ایریاز میں ایکشن کے دوران کل 118جانور ضبط کرکے سرکاری گودام بھیج دیئے گئے۔ قربانی کے جانوروں کے غیر قانونی سیل پوائنٹس کے خلاف ایکشنز میں 45ہزار روپے جرمانہ عائد کیا گیا۔ واٹر لینڈ، جیل روڈ شادمان، گلشن راوی میں غیرقانونی پوائنٹس کے چارے کے 2ٹرک ضبط کر لیے گئے۔ کمشنر لاہور کی ہدایت پر چائنہ سکیم، فیصل ٹاون، رائیونڈ روڈ پر کاروائیاں کی گئیں۔