علی پور چٹھہ(نامہ نگار)علی پور چٹھہ کے نواحی موضع منڈیالہ چٹھہ کے قریب 2 موٹرسائیکل نوجوان سوار نوجوانوں کا رکشہ سے ہولناک تصادم۔ایک ہلاک دوسرا شدید زخمی۔ٹی ایچ کیو منتقل۔تفصیلات کے مطابق رتووال کا رہائشی ناصر عباس اپنے دوست ظہیر احمد سکنہ منڈیالہ چٹھہ کے ساتھ وزیرآباد جارہاتھاکہ انکا  موٹرسائیکل تیز رفتاری کے سبب سڑک کنارے کھڑے رکشہ سے خوفناک دھماکہ کے ساتھ ٹکرا گیا۔ حادثے میں ناصر عباس موقع پر ہی جاں بحق ہوگیا جبکہ ظہر احمد کو شدید زخمی حالت میں ٹی ایچ کیو ہسپتال منتقل کردیا گیا جہاں اس کی حالت تشویش ناک بتائی جاتی ہے۔ دریں اثنا علاقے کے عوامی سماجی حلقوں نے مذکورہ اندوہناک وقوعہ پر گہرے دکھ اور رنج کا اظہار کیا ہے۔