لاہور(نامہ نگار)میو ہسپتال لاہور میں ینگ ڈاکٹرز ایسوسی ایشن کے انتخابات کے انعقاد پر ڈاکٹروں کے دو گروپوں کے درمیان تصادم کے نتیجے میںڈاکٹرز ایک دوسرے کے دست گریباں ہوگئے اور انہوں نے ایک دوسرے پر تشدد کیا۔ ڈاکٹرزکے دونوں گروپوں کے درمیان تصادم اس وقت شروع ہوا ،مبینہ طور پرجب بیرون ہسپتال سے آئے ہوئے ڈاکٹرز کے ووٹ کاسٹ کرانے کی کوشش کی گئی جبکہ ایک گروپ اس بات پر بضد تھا کہ میو ہسپتال کی کارڈیالوجی وارڈ کو بند کردیا جائے اور مذکورہ وارڈ کے ڈاکٹرزکے ووٹ کاسٹ کروائے جائیں۔ جس پر ڈاکٹرزکے دونوں دھڑوں کے درمیان تلخ کلامی ہوگئی ہے ۔ڈاکٹرز ایک دوسرے کے دست گریباں ہوگئے اور انہوں نے ایک دوسرے پر تشدد کیا۔