انگلش کرکٹ بورڈ کے وفد کا راولپنڈی کرکٹ سٹیڈیم کا دورہ

لاہور ( سپورٹس رپورٹر) انگلینڈ کرکٹ ٹیم کے دورہ پاکستان کے حوالے سے انگلش کرکٹ بورڈ کے وفد نے راولپنڈی کرکٹ سٹیڈیم کا دورہ کیا ۔ ذرائع کے مطابق وفد نے ٹی ٹونٹی اور ٹیسٹ سیریز کے سکیورٹی انتظامات کا جائزہ لیا، ای سی بی سکیورٹی وفد نے پاکستانی حکام سے سکیورٹی امور پر مشاورت بھی کی۔ذرائع کا کہنا ہے کہ وفد نے وزارت داخلہ میں بھی پاکستانی حکام سے ملاقات کی، انگلش کرکٹ بورڈ کا وفد کراچی، لاہور اور ملتان کا بھی دورہ کرے گا۔اس حوالے سے ذرائع نے بتایا ہے کہ انگلش ٹیم کی پاکستان آمد 15 ستمبر کو تجویز کی گئی ہے۔