لاہور(سپورٹس رپورٹر)نیوزی لینڈ کرکٹ نے پاکستان کیخلاف وائٹ بال سیریز کا شیڈول جاری کر دیا ہے۔پاکستان اور نیوزی لینڈ کے درمیان وائٹ بال سیریز 16مارچ سے 5اپریل 2025کے درمیان ہوگی۔ سیریز کا پہلا ٹی ٹونٹی 16مارچ کو کرائسٹ چرچ، دوسرا 18مارچ کو ڈنیڈن میں ہوگا،تیسرا ٹی ٹونٹی 21مارچ کو آکلینڈ، چوتھا 23مارچ کو تاورانگا جبکہ پانچواں ٹی ٹونٹی 26مارچ کو ویلنگٹن میں ہوگا۔ون ڈے سیریز کے میچز نیپئر، ہملٹن اور تاورانگا میں 29مارچ، 2اپریل اور 5اپریل کو ہوں گے۔کرکٹ نیوزی لینڈ نے اپنے سیزن کے شیڈول میں پاکستان میں چیمپئنز ٹرافی کھیلنے کی بھی تصدیق کر دی۔ نیوزی لینڈ نے چیمپئنز ٹرافی سے قبل ملتان میں تین ملکی ٹورنامنٹ میں شرکت کی بھی تصدیق کر دی۔