بہاولپور (نامہ نگار) اسلامیہ یونیورسٹی، چولستان ڈیپارٹمنٹ کی آدھی بلڈنگ دھماکے سے گر کرمہندم ہوگئی، 6 افراد زخمی ہوگئے۔ تفصیلات  کے مطابق گزشتہ روز دوپہرساڑھے تین بجے کے قریب بغداد کیمپس اسلامیہ یونیورسٹی کے اندر چولستان ڈیپارٹمنٹ کی بلڈنگ کا تقریبا آدھا حصہ گر گیا جس کے نتیجے میں6  ملازمین اور ایک طالب علم زخمی ہوئے۔ ریسکیو سٹاف نے بتایا کہ بلڈنگ کے اندر گیس لیکیج کے دھماکے کے باعث بلڈنگ کا آدھا حصہ گر گیا۔ ترجمان اسلامیہ یونیورسٹی بہاولپورکے مطابق 3:30 بجے بغداد الجدید کیمپس اسلامیہ یونیورسٹی بہاولپور میں واقعہ چولستان انسٹیٹیوٹ آف ڈیزرٹ سٹڈیز کی عمارت کا ایک حصہ  بظاہر گیس لیکج کے دھماکے سے گر گیا۔ زخمیوں میں شامل ڈاکٹر محمد عبداللہ، مزمل طالب علم، اشفاق طالب علم، واجد نائب قاصد اور سجاد نائب قاصد شامل ہیں۔ جن کو بہاولپور وکٹوریہ ہسپتال منتقل کر دیا گیا۔