اسلام آباد (خبر نگار خصوصی )پاکستان پیپلز پارٹی  کے چیئرمین بلاول بھٹو زرداری نے شہید شاہنواز بھٹو کو ان کی 39ویں یوم شہادت پر شاندارالفاظ میں  خراج عقیدت پیش کیا ہے۔ میڈیا سیل بلاول ہاؤس سے جاری پریس ریلیز مکے مطابق، پی پی چیئرمین  نے شاہنواز بھٹو کی انقلابی سوچ اور جمہوریت کے لیے ناقابلِ فراموش جدوجہد کو اجاگر کرتے ہوئے کہا ان کی  سیاسی میراث روشنی کا مینار ہے۔ انہوں نے مزید کہا شہید شاہنواز بھٹو کا یوم شہادت ہمیں ان بے شمار قربانیوں کی یاد دلاتا ہے جو بھٹو خاندان نے پاکستان میں جمہوریت کے لیے دی ہیں۔ چہِرمین بلاول بھٹو نے کہا پاکستان پیپلز پارٹی شہید شاہنواز بھٹو  کے افکار پر چلتے ہوئے ملک میں مضبوط جمہوریت، مساوات اور ترقی پسند معاشرے کے قیام کے لیے جدوجہد جاری رکھے گی۔ انہوں نے کہا کہ شہید شاہنواز بھٹو کا خواب ایک جمہوری، خوشحال اور مساوی معاشرے کا قیام تھا، اور پاکستان پیپلز پارٹی اس خواب کو حقیقت بنانے کے لیے پرعزم ہے۔