امام حسین ؓ نے کربلا میں حق وصداقت کا علم بلند کیا: سید رضا حسین بابر 

کھاریانوالہ(نمائندہ خصوصی)جامعہ اسلامیہ مدینۃ العلم باب حسین نشیمن پارک ہائوسنگ کالونی سے ذوالجناح کا جلوس نکالا گیا جس میں سید اخلاق حسین شیرازی، حسینیہ ٹرسٹ کے صدر سید علی اقتدار رضوی، سید سجاد حسین بلو شاہ، نثار عابدی سمیت عزاداروں کی کثیر تعداد نے شرکت کی، عزاداروں نے ذوالجناح کے جلوس میں ماتم اور نوحہ خوانی کی، اس موقع پر خطاب کرتے سید رضا حسین بابر رضوی اور سید اخلاق حسین شیرازی نے کہا کہ امام عالی مقام امام حسین ؓ نے کربلا میں حق وصداقت کا علم بلند کیا آپ نے کربلا میں اپنے خون سے اسلام کی آبیاری کی آپ کی بے مثال قربانی کی تاریخ میں کوئی نظیر نہیں ملتی آپ نے جابر حکمران کے سامنے کلمہ حق بلند کر کے قیامت تک کے لیے راہ متعین کر دی کہ کبھی کسی فاسق و فاجر کی بیعت نہ کی جائے۔