شیخوپورہ (نمائند ہ خصوصی) پیپلز پارٹی کے سابق ضلعی صدروپارٹی ٹکٹ ہولڈر پی پی 141 خان محمد آصف خان نے کہا ہے کہ محرم الحرام کا مہینہ ہمیں نواسہ رسولؐ اوران کے جانثارساتھیوں کی لاز وال قربانیوں کی یاد دلاتا ہے کیونکہ آپ نے خالصتاًاللہ تعالی کی خوشنودی،دین اسلام کی سر بلندی اور باطل قوتوں کے طمع و لالچ کے حربوں کو ٹھکراتے ہوئے دین اسلام کی سربلندی کیلئے شہادت کا رتبہ قبول کیا اسی لئے کربلا کا واقعہ تمام مسلمانوں کیلئے مشعل راہ کی حیثیت رکھتا ہے جو اس بات کا درس دیتا ہے کہ اسلام دشمن اور طاغوتی طاقتوں کے آگے کبھی سر تسلیم خم نہیں کرنا چاہئے، میڈیا سے گفتگو کرتے خان محمد آصف خان نے کہا کہ حضرت حسین ؓ اور ان کے رفقانے اپنی جانوں کے نذرانے پیش کر کے حق کو زندہ رکھا۔