نارنگ منڈی: 3 روز قبل ڈوبنے والے 2 افراد کی نعشیں نہ مل سکیں ‘ ریسکیو کا سرچ آپریشن جاری 

نارنگ منڈی(نمائندہ نوائے وقت)دریائے راوی اور بی آر بی نہرمیں دو افراد ڈوب گئے ریسکیو1122 کا آپریشن تیسرے روزبھی جاری نعشیں نہ مل سکیں بتایاگیاہے کہ سرحدی گاؤں منڈھیالی کا رہائشی 7 بچوں کا باپ عاشق بھینس کی دم پکڑ کر دریائے راوی میں بھینسیں لے کر جارہاتھاکہ دم چھوٹنے سے ڈوب گیا جبکہ 14 سالہ عبدالعزیز مہتہ سوجا کے قریب بی آر بی نہر میں نہاتے ہوئے ڈوب گیا۔