چولستان انسٹیٹیوٹ آف ڈیزرٹ سٹڈیز کی عمارت  گر نے سے 5 افراد زخمی

راولپنڈی (سٹاف رپورٹر)بغدادالجدید کیمپس اسلامیہ یونیورسٹی بہاولپور میں واقعہ چولستان انسٹیٹیوٹ آف ڈیزرٹ سٹڈیز کی عمارت کا ایک حصہ بظاہر گیس لیکج کے دھماکے سے گر گیا ۔اس موقع پر فوری طور پر یونیورسٹی کی میڈیکل اور سیکیورٹی سٹاف موقع پر پہنچ گیا۔سیکیورٹی سٹاف نے فوری طور پر ریسکیو 1122 کو اطلاع دی اور عمارت میں موجود پانچ زخمی افراد کو فوری طور پر بہاولپور وکٹوریہ ہسپتال کی ایمرجنسی میں منتقل کر دیا گیا۔زخمیوں میں ڈاکٹر محمد عبداللہ،مزمل طالب علم،اشفاق طالب علم ،واجد نائب قاصد اور سجاد نائب قاصد شامل ہیں ۔