بحری جہازایم وی سوئزخلیج عمان میں کھڑا ہے اوراسے بچانے کے لئے جوٹگ بوٹ روانہ کی گئی تھی وہ بھی خراب ہو چکی ہے۔ سماجی رہنما انصار برنی کے مطابق ٹگ بوٹ کا خراب ہونا ایم وی سوئزکے مالک کےغیرسنجیدہ رویئے کو ظاہرکرتا ہے جبکہ دوروز سے سمندر کے رحم وکرم پر ایم وی سوئز کا عملہ خطرات سے دوچار ہے،جہازکی خرابی دورنہ کی گئی توجہاز عملے سمیت سمندرمیں ڈوب جائے گا۔ انہوں نے کہا کہ شپنگ کمپنی کے مالک پراعتبار نہیں کیا جا سکتا کیونکہ اس کی دلچسپی انسانی جانوں سے زیادہ انشورنس میں ہے۔