ارشد بجلی پہلوان کی والدہ کے انتقال پر حمزہ شہباز کی تعزیت، مرحومہ کے پوتے کی خدمات کو خراج تحسین

لاہور (سپورٹس رپورٹر) مسلم لیگ ن کے رہنما اور قومی اسمبلی کے رکن حمزہ شہباز شریف نے مرحوم ارشد بجلی پہلوان کی والدہ کے انتقال پر تعزیت کی۔ حمزہ شہباز شریف گذشتہ روز ارشد بجلی پہلوان کے بیٹے محسن ارشد کے گھر گئے اور ان کی دادی کے انتقال پر گہرے دکھ و افسوس کا اظہار کیا اور فاتحہ خوانی کی۔ اس موقع پر اویس ارشد اور فیملی کے دیگر ارکان بھی موجود تھے۔ حمزہ شہباز شریف نے کہا کہ ارشد بجلی پہلوان کی پاکستان کے لئے بڑی خدمات تھیں جن پر جتنا زیادہ فخر کیا جائے کم ہے۔ انہوں نے کہا کہ مرحوم کے بیٹے محسن ارشد بھی فن پہلوانی کے فروغ کے لئے قابل تعریف خدمات انجام دے رہے ہیں۔ اس موقع پر رکن پنجاب اسمبلی بلال یاسین، وسیم قادر، توصیف شاہ، نذیر سواتی، چودھری اقبال گجر، خواجہ علا¶الدین، انیس خان پپہ، عمران شاہ اور ملک ندیم منا± بھی موجود تھے۔