لاہور(سپورٹس رپورٹر) لاہور انٹر سکول انویٹیشنل فٹبال ٹورنامنٹ 2014ء شروع ہو گیا۔ ماڈل ٹاون فٹبال گراونڈ میں ٹورنامنٹ کا افتتاحی میچ لکاس جگورز اور ایل جی ایس ٹائیگرز کے درمیان کھیلا گیا۔ جس میں لکاس جگورز نے ایک کے مقابلے 2 گول سے کامیابی حاصل کی۔ فاتح ٹیم کی جانب سے شاہ نمروز خان نے دونوں گول سکور کیے جبکہ ایل جی ایس کی جانب سے واحد گول طلحہ منصور نے کیا۔ وقفہ تک دونوں ٹیموں کے درمیان مقابلہ ایک ایک گول سے برابر تھا۔