سیہون شریف (نوائے وقت رپورٹ) سیہون شریف میں حضرت لعل شہباز قلندر کے سالانہ عرس میں شرکت کیلئے آنیوالے زائرین میں سے 3 روز کے دوران مختلف واقعات میں 45 افراد جاں بحق ہو گئے۔ ایدھی ذرائع کے مطابق گرمی کی شدت سے 39 افراد جاں بحق ہوئے جن میں عورتیں اور بوڑھے بھی شامل ہیں ۔ ٹی وی سٹیج کے اداکار عارف حسین گل کی وفات گرمی کے باعث دل کا دورہ پڑنے سے ہوئی۔ زیادہ تر جاں بحق ہونے والے زائرین کی تعداد پنجاب سے ہے ہلاک ہونے والوں میں بابر ،سجاول، آسیہ گوجرانوالہ ، محمد طارق سکھر ، ملک ، کراچی ، معراج الدین لاہور ، ہدایت ﷲ لاہور ، کراچی ، شفقت حسین گجرانوالا ، محمد عمران خانیوال ، محمد مشتاق نواب شاہ ، عبدالرزاق ایبٹ آباد ، ممتاز حسین لئیاں ، فرید پالا رانہ ، محمد یاسین سرگودھا ، گل شہداد پور ، آصف گل لاہور ، اھٹ ملنگی لاہور ، عبدالرزاق پنجاب ، عارف گل لاہور ، عبدالمعید فیصل آباد ، دستی محمد پشاور ، مسمات عائشہ لاہور جبکہ 10افراد کی شناخت نہیں ہوسکی ہے ۔