پشاور (این این آئی) ’’امی ابو کی تلاش‘‘ کے نام سے ایدھی بس کراچی سے گمشدہ بچوں کو لیکر پشاور پہنچ گئی۔ شہر شہر بستی بستی گھوم پھر کر گمشدہ بچوں کو والدین کے حوالے کرنیوالی ایدھی بس 7 بچوں کو لیکر پشاور پہنچی جن میں سے 4 کو والدین کے حوالے کردیا گیا۔ کراچی سے35 بچوں کو لیکر نکلنے والی بس دیگر شہروں سے ہوتی ہوئی سات بچوں کو لیکر پشاور ایدھی کنڑول روم پہنچ گئی، ایدھی بس نے 28 بچوں کواندرونی سندھ میں والدین کے حوالے کر دیا ہے۔ جبکہ سات بچوں کو لیکر پشاور ایدھی کنڑول روم پہنچ گئی۔ جن میں تین کوئٹہ کیلئے روانہ کردیا ہے۔