لاہور(سپورٹس رپورٹر) پاکستان کے آئی سی سی ایلیٹ پینل کے امپائر علیم ڈار نے بھی سوشل میڈیا کے ذریعے دیار غیر سے پاکستانی عوام کے نام پیغام میں عید کی خوشیوں کی مبارکباد دیتے ہوئے، دعا کی کہ اﷲ تعالٰی پاکستان کو ہمیشہ سلامت رکھے۔ ان کا کہنا تھا کہ اپنے طلبہ کو تاکید کی ہے کہ وہ تعلیم کے شعبہ اعلٰی تعلیم حاصل کرکے دنیا میں پاکستان کا نام روشن کریں۔ جس ملک کی یوتھ سٹرانگ ہے ہے وہ ملک سٹرانگ ہے، ہمیں اپنی یوتھ کو سٹرانگ کرنا ہے۔ رواں سال الیکشن کا سال ہے، ووٹ پاکستان کا حق ہمیں ووٹ ضرور کاسٹ کرنا چاہیے۔ ایسے لوگوں کو ووٹ دیا جائے جو پاکستان کی خدمت کر سکے۔ علیم ڈار کا کہنا تھا کہ پاکستان کو درختوں کی اشد ضرورت ہے اس میں ہمیں اپنا حصہ ڈالنا چاہیے، زیادہ سے زیادہ درخت لگائے جائیں۔ درخت لگانے سے ہمارا ملک پلوشن سے پاک ہوگا اور پاکستان کو درپیش پانی کی کمی کا مسئلہ بھی حل ہو جائے گا۔